Literêr sirkwy yn kafee Marktzicht
DRACHTEN - Fan 26 febrewaris oant 12 maart 2006 is der wer in Literêr Sirkwy: sa'n tritich skriuwers, dichters en performers dy't op seis poadia ferspraat oer Fryslân harren wurk oan it publyk bringe. Sneon 4 maart wie it raak yn kafee Marktzicht yn Drachten. Bouke van der Hem, Piter Boersma, Yva Hokwerda, Jacobus Q. Smink, Hein Jaap Hilarides, Wobbe Atsma, Nyk de Vries en Jetske Bilker droegen foar út eigen wurk. Mei it iepen poadium joech it Skriuwersboun dêrneist romte oan oare skriuwers en/of dichters om harren wurk foar te lêzen. De muzikale meiwurking kaam dizze kear fan it trio Intolerant mei Remco Kuiper, Marc Kooij en Ronnie Porte.
It Literêr Sirkwy is in inisjatyf fan It skriuwersboun om skriuwers en dichters mear gelegenheid te beiden harren sels te presintearjen. It inisjatyf is berne út it ferlet om foar de Fryske literatoaren mear poadia te kreëarjen. De literêre programma's binne breed fan opset: sawol proaza as poëzij en oare performances kamen oan bod. De organisaasje en presintaasje wie yn hannen fan Sytse Jansma en Sito Wijngaarden.
Foar mear ynformaasje: www.literersirkwy.nl
Heb je een tip? WhatsApp!
Stuur je bericht, foto of video via:
+31638400733 of via de tiplijn