Tesselschade speelt 'Yn de gloaria'
HURDEGARYP -
Dit winterskoft spilet Tesselschade “Yn de gloaria”, fan Alan Ayckbourn.
In stik oer twa troude stellen en ien mem.
Se fiere yn’e rin fan it stik allegear har jierdei.
Mar oft it allegear like feestlik is as de titel oanjout…?
Ayckbourn soe Ayckbourn net wêze as it ferhaal net in hiel oare draai krije soe as dat him yn’t earstoan oan sjen lit . Dizze Ingelse toanielskriuwer is ferneamd om syn ferrassende dialogen, syn werkenbere karakters en syn tema’s dy’t in breed publyk oansprekke; it binne stikken dy’t “ergens oer geane” en dy’t je in spegel foarhâlde ek al sjogge je der earder je buorlju yn as je eigen húshâlding.
It is net foar it earst dat Tesselschade in stik fan Ayckbourn kiest .It belooft dan ek in âlderwetse toanieljûn te wurden yn de Schalmei; mei in stik dêr’t om lake wurde kin mar
dêr ’t it laitsjen jin sa no en dan ek by fergean sil.
De spilers binne: Ike Sinnema, Hennie Veenstra, Jelke van der Molen, Stienie Boskma en Matty Dijk.
Anny Veenstra docht wer de regy.
Tryntsje van der Zee soarge foar in Fryske oersetting.
Spyldata:
sneon: 19 jan. 20.00 oere
freed: 25 en sneon 26 jan 20.00 oere
snein: 27 jan. 14.30 oere
freed: 1 en sneon 2 febr. 20.00 oere
Heb je een tip? WhatsApp!
Stuur je bericht, foto of video via:
+31638400733 of via de tiplijn